بڕگەکانی دانیشتن
-
- دەنگدان لەسەر بەرنامەی وەزاری و حکومەتی سەرۆک وەزیرانی ڕاسپێردراو بەڕێز عەلی فالح زەیدی.جێبەجێکراو
کۆنووسی دانیشتن
ئەنجومەنی نوێنەران لە بەرواری (14/5/2026) بیست و چوارەمین دانیشتنی وەرزی یاسادانانی یەکەمی ساڵی یاسادانانی یەکەمی خولی هەڵبژاردنی شەشەمی بەست بە سەرۆکایەتی بەڕێز هیبەت حەلبووسی سەرۆکی ئەنجومەن و بە ئامادەبوونی (266)، و دانیشتنەکە ئەمانەی لەخۆگرت:
_ بەڕێز سەرۆکی ئەنجومەن بانگهێشتی خاتوو و بەڕێزان پەرلەمانتارانی کرد بۆ خوێندنەوەی سوورەتی فاتیحە بۆ گیانی شەهیدانی عێراق.
_ بەڕێز عەلی زەیدی بەرنامەی وەزاری حکومەتی نوێی خستەڕوو، و تێیدا جەختیکردەوە لەسەر بەردەوامبوون بە سوورییەوە بۆ هێنانەدی ئاواتەکانی گەلی عێراق و دانانی بەرژەوەندی هاوڵاتی لە پێشینەکانی، و ڕوونیکردەوە کە ڕێگای چاکسازی لە ناوخۆوە دەستپێدەکات لە بەرەنگاربوونەوەی گەندەڵی و شلبوونەوەی کارگێڕی، و ئاماژەیدا بە بەرەنگاربوونەوەی ئاستەنگەکان بە پشتبەستن بە باوەڕبوون بە توانای عێراقییەکان و ئارامگرتنیان و گۆڕینی قەیرانەکان بۆ دەرفەت و کۆسپەکان بۆ وێستگە لە دروستکردنی جیاوازیدا بۆ بەهێزکردنی خزمەتگوزارییەکان و بنیاتنانی دامەزراوە پتەوەکان و بردنی عێراق بۆ ئاسۆی حوکمڕانی و حکومەتی ئەلیکترۆنی.
_ بەڕێز زەیدی هەنگاوەکانی بە سێ ڕێچکە دیاریکرد: یەکەمیان چاکسازی و بنیاتنانی ئابووری لە ڕێگەی فرەچەشنکردنی ئابووری و وەبەرهێنانی ڕاستەقینە و سیستەمێکی دارایی و بانکی پتەو، و ڕێچکەی دووەم بنیاتنانی کۆمەڵایەتی و چەسپاندنی دادپەروەری کۆمەڵایەتی و چاودێری توێژە هەرە پێویستەکان و پاراستنی منداڵی و توانادانی ژنان لەخۆگرت، و ڕێچکەی سێیەم چاکسازی سیستەمی ئەمنی لە ڕێگەی کۆکردنەوەی چەک لە دەستی دەوڵەت و بەهێزکردنی تواناکانی هێزە ئەمنییەکان و چەسپاندنی متمانەی هاوڵاتی بە دیموکراسی، و ئاماژەیدا کە عێراق بەو قووڵاییە شارستانییە و فرەیی مرۆیی و ڕۆشنبیرییەی هەیەتی و ئەوەی مەرجەعیەتی ئایینی باڵا نوێنەرایەتی دەکات، دەمانخاتە بەردەم وەستان و گەڕاندنەوەی پێگەی حکومەت، و بانگهێشتی هەموو نێردراوە دیپلۆماسییەکانی کرد بۆ گەڕانەوە بۆ کارەکانیان لە بەغدا، و سوپاسی حکومەتی بەڕێز محەمەد شیاع سوودانی کرد.
_ دەنگدان لەسەر بەرنامەی وەزاری لەگەڵ لەبەرچاوگرتنی ئەو هەموارکردنانەی بەڕێز سەرۆکی ئەنجومەنی نوێنەران داوای کردن و لیژنەی پەرلەمانی ڕاسپێردراو بە خوێندنەوەی بەرنامەی وەزاری پێشنیاری کردن.
_ دەنگدان لەسەر:
_ بەڕێز باسم محەمەد خوزەیر وەزیری نەوت
_ بەڕێز محەمەد نووری وەزیری پیشەسازی
_ بەڕێز عەلی سەعد وەهیب وەزیری کارەبا
_ بەڕێز عەبدولحوسێن عەزیز ئەحمەد وەزیری تەندروستی
_ خاتوو سروە عەبدولواحید وەزیری ژینگە
_ بەڕێز عەبدولڕەحیم جاسم محەمەد شەمری وەزیری کشتوکاڵ
_ بەڕێز موسەننا عەلی مەهدی وەزیری سەرچاوەکانی ئاو و هۆرەکان
_ بەڕێز مستەفا نیزار جومعە وەزیری بازرگانی
_ بەڕێز خالید شوانی وەزیری داد
_ بەڕێز عەبدولکەریم عەبتان وەزیری پەروەردە
_ بەڕێز وەهەب سەلمان محەمەد وەزیری گواستنەوە
_ بەڕێز فالح ساری وەزیری دارایی
_ بەڕێز فوئاد حوسێن وەزیری دەرەوە
_ بەڕێز مستەفا جەببار سەنەد وەزیری گەیاندن و ڕاگەیاندن.
_ ڕەزامەندی ئەنجومەنی نوێنەران بەدەست نەهات لەسەر بەخشینی متمانە بە بەڕێزان ئەحمەد نازم نەجم بۆ وەزارەتی پلاندانان، و عامر حەسەن حاشوش بۆ وەزارەتی خوێندنی باڵا، و قاسم عەتا بۆ وەزارەتی ناوخۆ، و ڕێباز محەمەد بۆ وەزارەتی ئاوەدانکردنەوە و نیشتەجێکردن، و ئیبراهیم نامس بۆ وەزارەتی ڕۆشنبیری.
_ سوێندخواردنی دەستووری بەڕێز عەلی زەیدی سەرۆکی ئەنجومەنی وەزیران و ئەندامانی حکومەتەکەی لەبەردەم ئەنجومەنی نوێنەران.
پاشان بڕیاری هەڵگرتنی دانیشتنەکە درا.