دانیشتنی دەیەم

ئەنجومەنی نوێنەران دەیەمین دانیشتنی خۆی لە وەرزی یاسادانانی دووەمی ساڵی یاسادانانی یەکەمی خولی هەڵبژاردنی شەشەم بەڕێوەدەبات، بە سەرۆکایەتی بەڕێز هەیبەت ئەلحەڵبووسی سەرۆکی ئەنجومەن، ئەمڕۆ پێنجشەممە 13/8/2026. دانیشتنەکە ئەمانەی لەخۆگرت 

- دەنگدان لەسەر کشانەوەی خوێندنەوەی یەکەمی پێشنیاری یاسای گەڕاندنەوەی داهاتەکانی گەندەڵی لە بەرنامەی کار، بە داوای لیژنەی یاسایی، بەهۆی بوونی پڕۆژەیاسایەکی هاوشێوە کە لەلایەن سەرۆکایەتی کۆمارەوە پێشکەشکراوە.

- خوێندنەوەی یەکەمی پڕۆژەیاسای پەسەندکردنی ڕێککەوتننامەی گواستنەوەی ئاسمانی لە نێوان حکومەتی کۆماری عێراق و حکومەتی فیدراڵی نەمسا، پێشکەشکراو لەلایەن لیژنەی پەیوەندییەکانی دەرەوە.

- خوێندنەوەی یەکەمی پڕۆژەیاسای چوارەمین هەموارکردنی یاسای پەسەندکردنی واژۆکان لەسەر بەڵگەنامە و دۆکیومێنتە عێراقی و بیانییەکان ژمارە (52)ی ساڵی 1970، پێشکەشکراو لەلایەن لیژنەی دارایی و لیژنەی ئابووری و پیشەسازی و بازرگانی.

- خوێندنەوەی دووەمی پێشنیاری یاسای یەکەمین هەموارکردنی یاسای چاودێری کەمتەمەنان ژمارە (78)ی ساڵی 1980، پێشکەشکراو لەلایەن لیژنەی یاسایی.

-  خوێندنەوەی دووەمی پێشنیاری یاسای یەکەمین هەموارکردنی یاسای نۆتەران ژمارە (33)ی ساڵی 1998، پێشکەشکراو لەلایەن لیژنەی یاسایی.

- دواخستنی سەیرکردنی ئەو تانانەی لەسەر دروستی ئەندامێتی هەندێک لە خانمان و بەڕێزان ئەندامان پێشکەشکراون، بەهۆی نەبوونی نیسابی دوو لەسەر سێی ئەندامان.