دانیشتنی هەشتەم

ئەنجومەنی نوێنەران ئەمڕۆ یەکشەممە (9/8/2026) هەشتەمین دانیشتنی خۆی لە وەرزی یاسادانانی دووەمی ساڵی یاسادانانی یەکەمی خولی هەڵبژاردنی شەشەم بەڕێوەبرد، بە سەرۆکایەتی بەڕێز هەیبەت ئەلحەڵبووسی سەرۆکی ئەنجومەن و بە ئامادەبوونی 239 نوێنەر.

ئەنجومەن خوێندنەوەی یەکەمی پێشنیاری یاسای چاودێری هەرزەکارانی تەواو کرد کە لەلایەن لیژنەی کار و ڕێکخراوەکانی کۆمەڵگەی مەدەنی و ئەنجومەنی خزمەتگوزاری فیدراڵی و لاوان و وەرزش پێشکەشکراوە . هەروەها ئەنجومەن خوێندنەوەی یەکەمی پێشنیاری یاسای دووەمین هەموارکردنی یاسای موختاران ژمارە (13)ی ساڵی 2011ی کۆتایی پێهێنا کە لەلایەن لیژنەی هەرێمەکان و پارێزگا نەگرێدراوەکان بە هەرێمەوە و پلاندانان و بەرنامەی حکومەت و ئەوقاف و ڕۆشنبیری و گەشتیاری پێشکەشکراوە.

ئەنجومەنی نوێنەران خوێندنەوەی ڕاپۆرت و گفتوگۆی پێشنیاری یاسای بیست و دووەمین هەموارکردنی یاسای ملاک ژمارە (25)ی ساڵی 1960ی تەواو کرد کە لەلایەن لیژنەی دارایی و یاسایی پێشکەشکراوە. مداخەڵەکانی خانمان و بەڕێزان ئەندامان جەختیان لەسەر داواکردنی تەرخانکردنی پلەی فەرمانبەری بە شێوەی گرێبەست بۆ دەرچووانی کۆن کردەوە لە ڕێگەی ئەو پلانەی لە حاڵەتەکانی سڕینەوە و داهێناندا دروست دەبن، بەمەرجێک لە ماوەی ساڵێکدا لە جوڵەی ملاک بە جێگیرکردن بگیرێنەوە، و دڵنیابوون لە جێبەجێکردنی یاساکە لە چوارچێوەی بودجەی ساڵی 2027 بە لەبەرچاوگرتنی لایەنی دارایی بەتایبەتی بۆ پلە فەرمانبەرییەکانی یەکەم و دووەم، و پێویستی زیادکردنی ناونیشانە فەرمانبەرییەکانی پەیوەست بە کادیرە پزیشکییەکان، و داواکردنی یەکخستنی ئەو هەموارکردنە زۆرانەی بەسەر یاسای ملاکدا هاتوون بە یاسایەکی تاک.

لە دانیشتنەکەدا کە بەڕێز عەدنان فەیحان جێگری یەکەمی سەرۆکی ئەنجومەن سەرۆکایەتی بەشێکی کرد، ژمارەیەک لە خانمان و بەڕێزان ئەندامان مەحکومیان کرد بڕینی ئاسمانی عێراق لەلایەن فڕۆکەی ئەمریکی و سعوودییەوە و ئەو هێرشانەی بارەگاکانی هێزەکانی حەشدی شەعبی گرتەوە و بووە هۆی شەهیدبوونی 17 کەس و بریندارکردنی چەند کەسێکی تر، و داوایان لە حکومەت کرد هەڵوێستێکی بەهێز بگرێت لە ڕێگەی گرتنەبەری هەنگاوی سیاسی و دیپلۆماسی و پێشکەشکردنی سکاڵا بۆ دادگا نێودەوڵەتییەکان